cantando@bloem

  cantando@bloem het aan die begin van 2009 die lig gesien as ‘n 4-stemmige koor vir volwassenes. Die koor het tans 40 lede.

Werner Stander is die koorleier sedert Julie 2015. Hy het die leisels oorgeneem by Bouwer van Rooyen wat die stigter en eerste koorleier van cantando@bloem was.

Alhoewel dit ‘n jong koor is, het dit in sy kort bestaan al verskeie uitvoerings gegee.  Hoogtepunte sluit onder andere optredes in Centurion, Ladybrand en Clocolan in.  Noemenswaardige konserte wat in Bloemfontein plaasgevind het sluit onder meer die Bouwer van Rooyen 40 Jaar Agter die Klawers-konsert, die Nelsonmis van J Haydn in die Anglikaanse Kerk saam met ‘n simfonie-orkes met Lance Philip as dirigent en die koor se 2010-jaarkonsert in. Die koor het gedurende Mei 2011 'n suksesvolle toer, " 'n Nuwe koor op 'n ou spoor", in die Oos-Kaap onderneem. In 2015 is die Carmina Burana saam met die Vrystaatse Simfonie-orkes uitgevoer. Gedurende Julie 2015 het die koor met groot sukses aan die Alta Pusteria-koorfees in Italië gaan deelneem.


Die koor se repertorium sluit sekulêre sowel as gewyde werke van ‘n verskeidenheid genres in. In 2009 het die koor 14 optredes gehad wat optredes in Bloemfontein en ook besoeke aan Centurion, Ladybrand en Clocolan ingesluit het. Die Nelson-mis van J Haydn is in die eerste semester van 2010 aangebied. 

Nuus

Koorlede Login

Nuus

Mozart Requiem - Vryfees

cantando@bloem het nog 'n hoogtepunt beleef met die uitvoering van die Mozart Requiem tydens die Vrystaatse Kunstefees! Hierdie foto is geneem tydens die finale oefening.

Jan (tenoor) en Sanette (alt) Greyvensteyn se kinders Wimpie (bas) en Ane (alt) het as gesin almal gedeel in die uitvoering! 

Mozart Requiem

Groot opgewondenheid heers vir die uitvoering van die Mozart Requiem tydens die komende Vrystaatse Kunstefees in Julie. Harde oefening deur verskillende stemgroepe by verskillende koorlede se huise. Sop en toebies (en ook bietjie sjerrie) was die ideale afsluiting van die oefeninge op n koue Vrystaatse wintersaand.